பெண்களின் மனம் கவர்ந்த ஹீரோவாக இருந்த அரவிந்த் சாமி சில வருடங்கள் படங்களில் நடிக்காமல் இருந்தார். அதன் பிறகு கடந்த 2013ம் ஆண்டு மணிரத்னம் இயக்கத்தில் வெளியான கடல் படம் மூலம் மீண்டும் நடிக்க வந்தார்.
தற்போது அவர் ஜெயம் ரவியின் போகன் படத்தில் நடித்துக் கொண்டிருக்கிறார். இந்நிலையில் அவருக்கு ஹாலிவுட் படத்தில் நடிக்கும் வாய்ப்பு கிடைத்துள்ளது. அதுவும் பல ஆஸ்கர் விருதுகளை பெற்ற மேட் மேக்ஸ் ஃப்யூரி ரோடு படத்தின் தயாரிப்பாளர்கள் எடுக்கும் புதிய படத்தில் அவர் நடிக்க உள்ளாராம்.
ஹாலிவுட் படத்தில் நடிப்பது தொடர்பக அரவிந்த் சாமியுடன் பேச்சுவார்த்தை நடந்து வருகிறது என்று கூறப்படுகிறது. இது குறித்து அரவிந்த் சாமியிடம் கேட்டதற்கு அவர் அந்த தகவலை உறுதிபடுத்தவும் இல்லை, மறுக்கவும் இல்லை.

0 comments: